書展2010

2010.7.24

一年一度書展又來啦~ 人山人海...係指排隊入去queue..係天橋由7-11開始排, 經過中藝, 再走一圈 又見番7-11..就可以落天橋入去會展

幸好, 上年開始書展位置擴闊, booth跟booth之間有好多空間~書展入面算係好鬆動

今日目標搜購小馬新書...baby's photo book..同一些跟wedding有關有用書/magazine

事先提Mr. Mak嚴禁我再買Novels...我好喜歡睇英文小說..不過連續幾年買得太多..無時間加上自己又懶...太多存貨...今年叫自己停一停

最後Mission Completed !!

小馬新作"我的低能湊B之道"...好好笑架...小馬所有作品我都睇哂..而家再睇番本小馬本"我們的低能婚禮"..好有共鳴呀

Angelababy寫真~我好鐘意baby...人靚衫靚景靚..好厚好多頁

我買左3本過期婚禮雜誌 - $10/一本..抵

原本想訂Cosmopolitian girl~不過諗諗下我未必期期睇..不如想睇個期先買啦~ 最想訂Cosmopolitian Bride, sales話一本出幾期..無得訂wor...

Mr. Mak雖然無買書, 不過一樣洗$, 仲洗得多過我~! 佢訂左Times..個offer好正...如果有睇開...真係抵到爛...俾一年價錢可以訂閱3年...除開每期$6.x..非常化算......

今日仲見到莊思敏...真係好高....而且樣子比行婚紗show靚..同sharp

臨走仲見到8模其中幾模...係sharp既..化行妝..不過有幾個真人...真係好似..sorry...人妖