近排忽然奇想, 數下手指, 過多數年後, 就要踏入女性最唔想既字頭
由細到大~我究竟有無人生目標呢? 細想下, 我做左廿幾年人, 總算每個階段有過唔同人生目標....哈哈
小學時期: 讀書要考全級十名, 升中要入到Band 1 中學 (目標達到)
初中時期: 又係讀書要前十名, 揀科要揀到自己想入既科 (目標達到, 揀到同學仔被譽為奸商必修科 - 哈哈 - 商科)
中五時期: 原校升中六 (託賴總算順利通過)
預科: 希望入讀坐落背山面海既火雞大學 (尚算好彩, 叫做有考試運, 又過一關)
大學: 只要可以畢業, 成績唔太衰就可以 (成功畢業了, 仲有機會去左盛產三文魚國家浸一浸.....至於成績, 哈哈.....一般吧)
自從大學畢業後, 我既人生目標好似無哂咁...............點解會咁..........
學生時代所謂既目標, 原來都係讀書同讀書...........
現在, 係時候又要為自己定下新目標了?? 思前想後, 好吧 - 為自己定下3年大計
"3年計劃"
- 考到日文Level 3 & Level 2 (今年會報level 3, 希望Pass喇)
- 學車 (自動波還是棍波好?)
- 結婚?! (咔咔......想下好喇)
- 我要做業主 (這個目標會否太遙遠? 計劃中...呵...)
- 觀賞"日本中部北陸立山黑部"雪壁天然奇景 (每年4月中至5月中開山)
希望3年後 (即2011年), 以上全部達標就好了~~
希望你所有的目標會達成, 加油ar!!~
回覆刪除[版主回覆06/06/2008 10:07:00]多謝你呀~~我會好好努力的
你讀書時成績一向唔錯...不過人大左做野之後好似冇以前咁有方向, 有時都真係唔知自己想要d咩?
回覆刪除[版主回覆06/06/2008 10:29:00]無錯呀~人大左思想複雜左, 又或者現實在
唔想俾自己太多壓力, 好多野成日同自己講..ok就得喇....
搞到無哂方向..無哂目標咁.......
考棍波好d呀!考棍波第時自動波同棍波都可以揸嘛!
回覆刪除[版主回覆06/08/2008 00:24:00]我都係咁諗～不過我驚自己天資太差, handle唔到棍波
根據以往既RECORD, 你應該可以達成所有"你想"既目標~ 哈哈~~ 加油! 我特別支持去旅行果個目標... 正. !
回覆刪除[版主回覆06/08/2008 00:23:00]哈哈~~多謝你呀, 我會努力~~
旅行個目標真係好鬼吸引..keke
哈哈~ 我都有d咁既感覺~ 仲係學生既時候, 你既角色最重要既只係需要理好你既學業. 但而家, 雖然有"事業"呢樣野要你努力下, 但呢兩個字太vain la... 有時真係唔知點行... 不過你會有我地一起行ga~ 我都有個"目標", 想下年年尾前achieve!! 預左你ga la~ 希望好快有個official invitation比你~ 哈哈~ ^.^
回覆刪除[版主回覆06/08/2008 00:25:00]我好期待你個invitation架~~~希望快ｄ有好消息ｋｅｋｅ
我幫妳完成其一個啦
回覆刪除[版主回覆06/10/2008 09:47:00]妳應該唔止可以完成一個喎
when to get marry?
回覆刪除[版主回覆06/10/2008 09:46:00]哈~未有定案呀~不過應該係幾年後既事lu...
睇妳往績, 應該冇問題喎...
回覆刪除[版主回覆06/10/2008 09:48:00]希望喇~要努力先得
有目標一定可以達成架!加油啊!
回覆刪除目標一唔難架,我都考慮緊今年考唔考二級囉.......
[版主回覆07/20/2008 16:49:00]第二級?!好叻呀~~ 我發覺我d日文會話完全唔掂
你去北海道可以用日文溝通~好勁呀
你有無咩心得呀?