四角關係?!

四角關係?!  主角當然係上回講到公司一男一女的live show

已婚男士本身應該同其他女士保持一段距離~ 結左婚同女仔玩得咁埋已經唔好,  出去偷食點都講唔通.........

已婚既三角關係已經好複雜, 真係估唔到女的原來係有男朋友

4角關係...真係無眼睇......原來男既知道女係有另一伴......真係錯綜複雜

本來我都唔想把人地私事係blog講~~ 但係佢地真係有少少影響公司同事

偷食偷情仲要咁高調~經常性inter-com講電話, 係間房仔妳"吱"我, 我"吱"妳.......真係有點看不過眼

佢地既另一伴被蒙在鼓裡真係好慘~

愛情無分對錯~不過有無想過當日對另一伴的承諾........真係唔知咩心態....是我太保守還是佢地太open

唉~依排心情唔係太好~~老闆實在煩到...頂唔順....成日被人捉入去受罪....轟炸成粒鐘有多, 拉東拉西.... 咩都關我地事~

我都係睇2個老闆頭做野~~點知咁多喎, 邊有時間睇哂咁多野....呀...........有時間都早d放工休息喇.....依排返到屋企都做梗9點半套劇............"untingable"