Day 4 4月11日 (金曜日）
行程：奈良公園～東大寺 天氣:晴朗 宿：大原の里
今日７點半起身梳洗，之後去check-out~ 寄存行季〔如果不是package 包２晚酒店，我都唔想轉酒店，實在太麻煩〕
我地拎住輕便行季出發，今日我地去玩鹿仔
第一站：奈良公園
由JR大阪坐環状線到鶴橋站再轉近趺奈良，一小時左右，到達奈良
下車步行廿分鐘（旅遊書行５－１０分鐘是騙人）～未去到奈良公園已經看到了數隻鹿仔～好得意呀
入到奈良公園，周圍都係鹿仔，有ｄ鹿仔BB好ｃｕｔｅ，有人會買檔口鹿餅餵鹿
鹿見到人拎住野食～會圍住你，個樣好楚楚可憐，個情境好得意
我當然有餵，不過真係好驚架～我怕佢地咬到我隻手
其實好安全～佢地ｄ角應該係俾人ｃｕｔ左
有次我自己食緊野～我已經背住ｄ鹿仔， 可是俾隻鹿仔發現左， 隻鹿仔不斷跟住我行．．．好搞笑
更多相片
預告：東大寺～春日大寺
Day 3 4月10日 (木曜日)
完成嵯峨野小火車之旅, 我地係嵐山站下車
下一站就係附近的竹林同天龍寺
竹林就在嵐山站附近~ 果然名不虛傳, 竹林真係又大又密...又高又綠...都幾宏偉
沿著竹林向著天龍寺方向, 地圖顯示距離都幾遠~
行行下又下起雨來真係唔方便, 還有竹林路本身已經窄, 竟然仲有有好多的士入, 又要掉頭, 我地都好幾次停埋一邊....真係唔明白, 點解自己唔步行
行下行下....行番出大馬路, 開始見番多d人同鋪頭, 但係還未見到天龍寺............
我地停低影下街道, 見到有位日本人叔叔, 佢拎住部好prof相機影來影去...佢見到我地影相, 就話幫我地影..真係好好人而且佢d姿勢好prof....keke
天龍寺
終於見到天龍寺~ 裡面好清靜好舒服
寺內既花花
差唔多12點半~ 離開天龍寺了, 下一站係渡月橋
渡月橋
不過忽然又落大雨, 又凍左好多, 真係狼狽.....我地係渡月橋只係逗留一陣...急急腳走....係附近搵左一間食lunch.....唔係好好味..唔多飽
下一站: 金閣寺
我地乘京福電鉄嵐山站à京福電鉄帷子ノ辻站à京福電鉄北野白梅町站 (約20 mins - 200 yen)
京福電鐵列車好古舊，車站好得意，所有座位係一字排開既長椅般， 車廂好細，有點像香港輕鐵．．．
白梅町站下車，要再轉坐市巴士204或205 號
下車後步行５－１０分鐘，終於到達，乖乖俸上每人６００yen 入場費
金閣寺
人人都誇讚金閣寺好值得去好靚，果然係非去不可
金光閃閃～好靚呀
金閣寺正面
側面
背面
行到４點，我地離開回去京都～又下勁大雨．．．．．
個人又攰又周身濕．．一小時車程～真係覺得特別耐
番去JR京都～行下伊勢丹買野～是晚食迴轉壽司～
第三天旅程完結～又要番去大阪搭JR半粒鐘．．．．
回去酒店還要ｐａｃｋ行季，想起都頭痕～事關明晚宿大原溫泉，明早check-out 東橫Inn，要寄存行季～
更多相片:
明天預告：奈良 & 大原溫泉
Day 3 4月10日 (木曜日)
行程：大阪梅田→京都嵐山 天氣：大雨 宿：東橫Inn梅田中津
昨晚回酒店途中開始下起雨, 晚上愈下愈大~ 心想明天還要去嵐山嵯峨野坐小火車, 如果聽日仲係落雨, 一定坐唔到第5卡
今日一早起來, 天公不造美, 還下著大雨呢~今天還要到郊區, 天氣一定比市區要凍, 在香港時已知道嵐山特別冷, 所以帶左件厚褸來...希望能夠擋下風
8時半左右離開東橫, 又要行5分鐘路程去JR大阪~返工時間, 日本人跟香港人一樣好趕好趕......因為未食早餐, 我地係JR入面買左一個便當...看上去好像好好味...實際上都係yummy (約700 yen)
第一站: 嵯峨野小火車
JR大阪駅 (東海道本線新快速) -> JR京都 - 30 mins
JR京都 (山陰本線) - > JR馬堀 - 30 mins
下車後突然~嘩, 勁大風 (吹到個頭傻婆咁). 雖然已經著左件夾綿厚褸, 不過加上落雨, 氣溫急降, 風係咁吹塊面 (個人彊左, 凍到好似香港11,12度)
從JR馬堀還要步行10分鐘去 Torokko 龜岡 , 幸好沿途有指示牌, 好易搵,.......
Torokko 龜岡附近有一大片田地, 綠油油, 意識到真係離開大城市好遠, 這裡真係好鄉下
10點左右去到トロッコ龜岡 小火車站, 好多日本人~果然賞櫻季節特別多人
走到窗口位排隊買車票 (只有一位工作人員,而且佢又慢, 仲要係佢地比tour優先....
下一班小火車10:18開, 我估應該無位, 要等下班 (11:18) 點知去到買時~佢竟然俾10:18, 真係幸運, 否則還有一小時真係唔知去邊 (外面真係好凍呢)
差唔多夠鐘, 要去搵返車廂排隊先.....不過條路好窄, 又多人~一唔小心分分鐘跌左路軌
小火車來了~大家都舉起相機捕捉小火車頭...哈.....
今日天氣不好呀~又下雨天陰陰~ 景色唔太好.....沿途見到坐保津激流船既河. 河水真係幾急, 坐激流船應該挺好玩 整個車程都有介紹周圍景色(當然用日文喇..不過我的日文未能夠明白..呵! 成個車程約廿五分鐘, 中途有個女仔 (火車上職員)拿著寶麗來及一張英文說明給我們, 意思係影張. 張相會有個封套入住 (1000 yen)
我地見唔太貴, 而且又可以係小火車影合照...豪俾佢...我地示意ok......
這就是製成品, 抵唔抵見人見智
外面:
內頁:
小火車終點站是嵯峨野, 不過我地要去天龍寺, 所以於嵐山站下車短短廿分鐘就要俸上每人600 yen
小火車停站時留了分幾鐘讓人拍照,我當然唔執輸
更多相片:
待續: 天龍寺~金閣寺
