櫻の花見『京阪神之旅』第一天@大阪梅田

Day 1 ：4月8日（火曜日）

行程: 香港 Q大阪　　天氣:晴朗    　 宿：東橫Inn梅田中津

前一晚係公司仲要OT到１０點，第日５點半要起身，６點半出門口坐地鐵去機場，真係好眼訓～不過有得去玩，什麼眼訓疲倦都唔記得哂, 約８點去到機場

由於事前已經online check-in，去到機場第一時間去 Cathay counter 自助機印張bording pass, 然後去一個for online check-in 既counter 直接寄行季，等左約十五分鐘就搞掂，唔駛排餐傻

之後當然去嘆個大家樂早餐，咁岩男朋友遇到既個舊同事，佢同太太跟團去雲南），佢地之前都去完關西，所以講左好多野我地知．．．食到９點幾，差唔多要入閘

香港既機場真係幾時都咁多人．．．不過都好高效率，好快過哂immigration etc.  去到cx登機閘口~ 去到已經開始登機喇

日本我來喇！！！

原來都真係幾多人去大阪，架機都幾full (而且好似多數係自由行同日本人，唔覺有團）

時間過得幾快（去大阪近過去東京），食左個唔係幾好食飛機餐，睇左套幾好睇既電影<魔法奇緣＞，經歷了一個小小既氣流，經過３小時半～安全降落關西空港

去到immigration要打手指模同影相之後，由於處理訪客counters唔多，又多旅客，要30分鐘先搞掂，之後再拎埋行季

第一時間我地去機場２樓青木松風庵買網友個個讚好既士多啤利大福同cheese cake，搵左好耐都唔見，見到有間手信店不過對下店名又唔同，再問下機場職員，手指指咁～

原來青木松風庵只係那間手信店其中一個counter~怪不得找不到，最後成功買了，就離開機場搭Limousine Bus (機場巴士）

一出門口．．．嘩．．．．．．．大阪果然真係凍過香港，天氣都幾涼～去搵我地再要坐既車係邊先．．．原來都幾多機場巴士去唔同地方，我地停低左想買飛之際，不過望左陣睇route好似無我地想去既地方？？

有個職員叔叔好有禮貌問我地去邊，我地用日文話"umeda" (即梅田），佢就指左我地去No.5 bus stop~ 去到有架車準備開喇，我地好快買左票，職員叔叔幫我地放ｄ行季係車，問我去邊間hotel...之後佢話第１個站之後下車，日本人真係幾時好helpful～16:05 開車喇～

沿途我地品嚐剛剛買既士多啤利大福同cheese cake，真係幾好味～士多啤利又大又甜

又周圍望下～四周真係好像好鄉下，難道大阪真係咁．．．．．

經過約50分鐘車程，車停係Hotel New Hankyu門口（這是我們第五第六晚既酒店，感覺幾新．．．我地落車之後，向東橫Inn出發

搵下路望下地圖，行左十五分鐘～終於見到今晚住的東橫Inn

入去check-in拎Key~間房都幾新幾乾淨，放低行季，休息一下，我地出去遊覽一下大阪先，一連７天關西之旅正式展開

第一站：阪神百貨

第二站：Hep Five

Hep Five頂層有個摩天輪，夜晚時份都幾靚架

行到７點半左右，去食晚餐～

是晚，我地食去左Shabu Shabu放題

ShabuShabu 花心梅田店 

我地點左國產牛3000 yen per person,　有個女侍應serve我地，佢幾靚女又kawaii~樣貌有幾分似香港artist裕美

今晚食到好飽，而且係放題，食完一round又一round,　加上我預先係網上印了張coupon，有20%discount, 折實埋單6300 yen (around HK$500）～真係好抵食又好味，又送左張八拆coupon

食完飯，行左陣10點就回酒店休息了～因為日本晚上不像香港般熱鬧，大部份鋪好早就關門，沒什麼好看

今晚11點半訓～因為要抖夠精神明天京都之行，明天要用好多腳力呢

 

更多相片:

Day 1 - 大阪

預告：明天京都行