後日大除夕就係我地5週年拍拖紀念日喇
那天公司有半day假期~Mr. Mak好好又拎半日假陪我玩
仲未plan去邊到慶祝, 不過我指定一定要去IFC影摩天輪..hehe
個日相信到到都一定人山人海......大家有無咩好介紹呀
我今年無買禮物, 但係整左一份我自覺幾有心思既手作仔, 希望到時有人欣賞喇
預祝大家新年快樂, 最緊要身體健康 !!!!
2008年12月29日 星期一
2008年12月23日 星期二
Sparkling Christmas@Disneyland
上上星期六(12月13) 我地又去雪亮聖誕, 拎住annual pass..梗係用盡d
仲見到女神(Janice Man) 去玩添
迪迪尼周圍都好xmas feel~好多迪士尼朋友都著哂新衫........最靚係睡公主城堡, 入夜亮燈之後真係靚絕
入場時間每人派一個3D眼鏡, 夜晚係樂園樹都掛左好多唔同顏色燈. 只要用3D眼鏡睇, 就會見到一個個雪人..好靚好得意
第二讚係煙花, 用3D眼鏡睇都會見到煙花呈現雪人...好得意真係好靚
第三讚係假雪效果 (其實只係泡泡), 不過夜晚係美國小鎮大街亮哂燈又有巨型聖誕樹, 加埋假雪效果都幾浪漫架...如果係真雪就好喇...哈.. 唔好就係成頭都係泡泡囉 !!!
2008年12月14日 星期日
Fashion Styling
今日朋友仔fasion styling化妝堂考試 - 佢搵左我做佢考試既model, 玩左3個鐘, 好好玩
今日有2個造型 - 分別係nude 妝同 娃娃妝(即可愛妝)
每個妝限時1小時, 除左化妝, 又要諗埋styling - set頭, 著衫都要配合
我負責坐~要辛苦朋友仔準備哂所有野...
最難搞都係我個頭 - 我實在太多頭髮
化完一個造型要影相計分~好鬼prof..要去studio室排隊影..好大戔閃光燈...影左十幾張..
我對眼俾d閃光燈閃到我差唔多眼花
今日都幾順利~又有得搞搞震..好玩呀
以下2張係今日成果, 自己用傻瓜機影架...
Nude妝 娃娃妝
2008年12月10日 星期三
近況
好耐無update下個blog~ 之前有點兒忙 (加上又懶)
現在一齊安頓好, 上來報告一下近況
前排成個人實在好沮喪....工作唔愉快, 身體又麻煩多多...現在一齊雨過天晴
而我終於離開左地獄工作地, 遠離不知所謂既舊老闆了. 新工作新地方新上司相比下簡直係一個天堂 同事相處得不錯, 工作時間暫時不用太OT, 上司同大老闆都非常nice..做事唔該前唔該後
至少唔會好似以前咁成日打仗咁~我慶幸我當日狠心下決定...
大家唔駛再咁擔心我...我依家成個人開懷左好多..唔再日日苦瓜乾..真係胃口好左好多......
至於舊公司, 從舊同事口中得知....基本上無咩改善過..人係請多左
不過同事們工作量又唔覺幫輕好多囉....當然之前叫我返去brief返d新人..我唔會做喇..而老闆又無再request..even request我都唔會理佢喇...
2008年10月25日 星期六
終於last day左
2008年10月17日 星期五
今日終於離開工作4年的地方....捨不得咁多位好同事 (boss例外).有些共事4年, 3年, 1年..等等.....
多謝佢地為我搞左個farewell party.........仲有咭, 禮物... 估唔到last day都有禮物收..真係好開心..多謝大家既blessings....我會努力..你地都加油呀
當日決定真係要好大勇氣........完全未搵工下就咁遞信...真係型
last day個2日心情好輕鬆...好似有舊大石放抵左 (加上老闆出左trip)...終於最後2日可以安靜地渡過
老闆出trip前一日我同佢say goodbye..佢叫我得閒番黎"visit"佢..請佢食飯...well....哈......睇下點......
我慶幸我走得早....今日聽到個好震驚既消息.....嘩......
2008年10月4日 星期六
你係咪有妄想症?!
老闆你無事呀~你係咪有妄想症定係我有失憶症
辭左工~又點會之後番Part-time呀???? 如果係, 我何為要resign?????
我都已經俾足面你~明明只係話番一番黎hand-over, 或者有野唔清楚~先番一番
什麼Part-Time.............又妄想症發作..定係你interpretation 有問題
我就算出面搵唔到工, 一定唔會再番黎..最憎人咁屈都得
依間公司notice 已經比一般公司多~邊有公司要2個月架, 我又唔係咩大人物
我俾足notice, 你請唔到人係你既問題 你係老闆當然要suffer
唔係你日日精神折磨你d staff, 點會走下一個又一個
你自己有無檢討自己逼走哂d 人?
阿邊個俾6個月notice係人地既事~ 我依足policy做
你有咩理由埋怨我..係唔appropriate 時間走...你任何時間都唔想人走
幾時走你都係咁講架喇
你真係好天真, 竟然話個個staff會成世幫你打工 - 人地走就話人地對你唔住
天呀~點解我會有d咁既boss
我一定同佢對質~~佢真係當我係傻架........
竟然想話叫過走左既staff到時番黎 brief新同事~佢真係有問題
2008年9月28日 星期日
新玩意
有新玩意~多謝Mr. Mak 提前的生日禮物~一路想換過部相機, 前排做左好多資料搜集
入到final 只餘~Canon860IS 同 Nikon S610 二選其一
今日去到百老匯仲未決定要邊部, 左揀加揀, 比拼一番
終於Sales 哥哥2句說話~"價錢差唔多, function差唔多, Canon 日本造, Nikon 馬來西亞造". 結果我5秒內決定要Canon (其實我係Canon fans)
其實我不是祟日, 2個model~明顯Nikon 新d~不過價錢差唔多, 仲要function 差唔多
有wide angle, 3吋大mon, face detection~只係pixel分別. Canon 800 pixel, Nikon 1000 Pixel (不過我又唔係哂poster, 依樣唔係好緊要)
我最concern既colour~明顯地Canon 係sharp d, Nikon 真係淡d
Canon 860IS 雖不是最新model, 不過佢既function, quality比canon自家新model仲要好~
新model無wide angle~搞錯..........
迎接耳根清靜的日子
好快好快地我的生活終於變得平靜, 不用再被佢精神上, 心理上勞役
4年的生涯, 有苦有樂~ 回想苦比樂更多
每天應付EQ 極低的她~ 真係好沉重, 一天比一天多的workload
最終我身心都應接不暇~ 最後決定遞上了一封信
雖然信是遞了, 不過完全沒有如釋輕重感覺~
之前我太considerate~所以按policy 2個月notice, 現在已經過去了一個月~ 原本last day 係十月尾, 不過中間一些阻滯, 我提出了早走2個weeks要求~ 現在還跟老闆角力中
唔知佢係思考中還是點, 佢唔show我個email request ~勁衰
Mr. Mak 責怪我太concern 人地~自己都未顧得掂, 仲去幫人諗
係既~我都幫左老闆4年~如果咁既reason都唔俾走, 佢真係非常無人情味, 我都唔駛咁considerate
岩既~我一個月前已經resign左~佢都應該一早好好plan 下 human resources~做多2星期同做少2星期分別真係唔大
我既朋友成日話:一間公司唔會話無左邊個會唔掂~ 既然選擇了, 就不要多想呀
無錯~我係公司只係small potato
現在還有2星期, 希望可以順利交接哂手頭上既工作~ 相信非OT不可了......
********************************************************
原來除了我, 其他同事都一樣做得唔開心, 大家都有打算離開~ 本身公司真係好有問題, 希望佢地會搵到自己想點喇~
2008年9月21日 星期日
周身唔妥
依排真係多多事幹~依個星期經常胃痛. 日又痛夜又痛, 未食飯又痛, 食左飯又係痛
最慘訓梗覺都覺得痛. 突然一陣間好痛..過左陣又唔痛
今日起身又覺得個胃好空, 有d痛~食左少少野, 好似好左d....不過隔左陣又痛番
我都唔知點解~ 一波未完一波又起
我係咪唔可以再承受任何壓力喇. 我覺得自己身體好"jar", 成日依度唔妥個度唔妥
遲下會俾自己休息一下, 要~re-boot下個身體
經過一番深思熟慮, 加上一些預料之外突如其來的personal reason, 更加加速我這個decision
之前公司同事間的傳聞倒是真的, 只是我又不會太在意, 沒有刻意去澄清或者承認, 佢地都好忙, 唔想咁快加重別人心理負擔, 沒有周圍告訴其他人, 所以只是很少數人知道 其實早係一個月前, 我已經因為私人理由請辭了 (我心身都太累了, 加上其他原因, 決定俾自己休息一下)
其實現在應該很多人都知道了, 只是我沒有親口宣佈, 大家不好意思問~ 我相信現在係時間公開吧
2008年9月20日 星期六
2008年9月15日 星期一
2008年8月30日 星期六
謎語終於解開左一半
今日好在有Alison陪我~終於去左睇醫生. 好多謝Alison 介紹又陪左我成日
醫生都好老架喇, 至少有五十, 還是個男呢. 不是Alison 話小聰子媽媽, 姐姐個個都睇佢, 否則我都唔多想去
醫生雖然話以佢既experience, 應該無咩事~不過擔心始終會有
不過今日真係嚇親Alison~護士問我有無朋友陪我黎, 駛唔駛叫佢入埋黎呀
我真係好驚嘛, 所以我話好呀, 叫佢入黎呀
大家唔好為我擔心, 應該無事既~~ 依家我要做的,就是 自己決定用邊個方案
又係選擇既問題~~
----------------------------------------------------
Alison 同小聰子好像好擔心我, 所以小聰子車帶左我地2個去北潭涌
有咩做?? 哈, 小聰子買左個長鏡, 所以我地入左去西貢睇/影星, 好多星星呀~自從想當年係外國做交流生, 看過整個晚空滿是星星, 很耐未見過天空咁多星
第時有機會要同Mr. Mak 去睇下星先~~ 等我地是但一個有車牌買左架車..比較方便
我地見到北潭涌campsite..想起小學時代去渡假中心玩...我地問下campsite幾多$, 拎左brochure~day trip 只係幾十蚊可以係入面玩成日....Alison 老師話佢做搞手...我又參與呀~感覺回到小學時...
2008年8月23日 星期六
6週年~相識紀念日
今日係我地相識6週年紀念日 - 回想當年我地相識於Hall Ocamp. 不過我當時係無咩留意佢...哈.....不過佢就有留意我喎 
今日沒有安排特別慶祝活動, 放工後坐船去TST join Mr. Mak. 原來尖咀文化中心有個奧運5環, 我真係好鬼out
由於天氣好熱, 無咩心情行街, 我地2個人去左Newway 唱k.....特別日子我當然要點唱喇
雖然今日我倆沒有準備什麼禮物, 我地大家竟然有意外收獲
Mr. Mak係籃球粉絲. 美國夢八出左新波衫, 去 Nike house 要搶購一番
原來真係好多夢八fans~ 我地搶購入失敗, 就連display都賣左
Mr. Mak 好失望.....sales哥哥話宴少少可能會番貨, 不過又講唔到幾時有....唉.....無緣
我地真係宴少少再去過, 見到好多人排隊, 難道有貨.....太好了......... 高比拜仁10 號藍色波衫有貨
我送左一件比Mr. Mak, 佢不知幾開心 (我幾抵錫..哈哈). 我今日都大豐收, 我趁izzue final sale掃3件, 當然Mr. Mak 好識做咁付錢
夜晚我地去左尖東King Ludwig Beerhall食豬手, 腸拼盤...好正好飽...啤酒好大杯好抵飲, 現場仲有live band, 好開心
今日現場有好多壽星仔女, live band 唱左好多次生日歌....
2008年8月9日 星期六
壓力指數爆燈 - 我要爆炸
累透了~依半年來, 無間斷既工作工作...再工作, 不停趕deadline, 我心生都累透了
近這兩個月, 簡直非人生活, 每天12小時工作, 一星期over60小時工作, 工作永遠做不完. 每日轟炸式email, 每隔幾天不是這個趕deadline, 就是那個趕deadline
事無大小都關我事~~ 手一對腦一個, 我做得邊樣呢.........shit...你想做依樣個樣咪請多幾個人囉....
不過出手低又要大學生quali, 搵阿水做, 結果咪又係我地幾個日日勁OT
晚晚幾乎9點先收工.... 依然做唔哂.......死未
我開始精神壓力愈來愈大, 身體開始愈來愈差...我個同事仲問我做咩個樣咁sad. 其實我唔係專登擺個sad樣, 可能太辛苦好stress, sadness comes from my inner side.........
我真係日日心情好down.........我係咪情緒有問題????!!!!!
Mr. Mak 已經成日話點解要咁辛苦...點解晚晚都OT到9點先肯走. 佢話叫唔好再咁捱, 好易捱到病 (佢已經叮囑我唔好捱到好似佢cousin咁....廿幾歲仔就患左d係人聽到都心up既野) 個個星期要mr. mak 心理輔導我...佢對我份工已經有微言
人工唔係特別高, 老闆又變態, 做來做去都係咁............為咩咁辛苦~唉, 我想咩, 搵食艱難嘛
仲要近排唔知係咪心理壓力太大, 日日起身勁甩頭髮, 仲要依個月女性週期性既問題, 唔知因為pressure關係定係有d咩野....仲未睇醫生丫
我覺得我已經去到limit.............唔好再俾加壓力...我就快爆炸
2008年7月13日 星期日
婚紗展2008
今日相約了雲尼去wedding expo, 當然主角不是我, 今次目的陪待嫁Winnie資料搜集, 順便去八下
我就第一次去wedding expo~好期待婚紗show. 今今日行去會展時見到附近有個台灣wedding expo~佢地見係couple就問...
我地2個女仔, 所以無人黎disturb我地, 反而有人企圖派教育展資料俾我地, 好好笑
入到會場, 比想像中少人~可能last day 緣故
初時無咩人show我地~~ 同場9成係情侶~ 我地個女仔去, 一定覺得我地無幫襯
雲尼好厲害, 掃左好多brochure~~~應該有排研究
下午4時~有個大會既catwalk..不過唔係我杯茶 (可能佢地用左好多外國model, 我唔係好buy)
同場今日有Mona Lisa 同 France Bridal catwalk show~終於請番local model
France bridal 我地miss左~只係睇左Mona Lisa show Mona Lisa 婚紗同evening gown 都幾好...好多都好鐘意 (不過又唔係我結婚, 未關我事住)
其中最喜歡依兩件, 以下相片由blogger Me 提供
2008年7月8日 星期二
給他的生日禮物
尋日好準時放工, 除了因為前一晚OT 到差唔多12點, 太累了
最重要的目的是為了給他準備生日禮物啊~ 事前已經鎖定左目標
放工後就去目的地, 左揀右揀, 唔知點好....sales姐姐俾左d意見
好快就搵到心水, 俾$$....整個process只係用左半個鐘.....
希望他會喜歡呢~~~ 我就覺得好靚喇, 為保持神秘,下次先開估同post相喇~
之後再轉戰買第二份禮物 - 我既好友sarah跟我男朋友同一天生日(這個星期六)
sarah既男朋友今年為佢開一個生日party, location就係佢男友間餐廳
我當然去唔到(重色輕友 
我專登買左份大禮賠罪呀~~ 我去左benefit counter 買左gift...原來benefit makeup products 又靚又多元化
我話我買送俾朋友 - ba問我有無用過佢地products, 我話無. 佢就介紹好多products俾我
佢地又無hard-sell~ services唔錯, products價錢唔算貴, 幾好~~
我仲拎左份catelogue慢慢欣賞先
買完禮物, 時間尚早, 買埋生日咭俾Mr. Mak 先. 真係好難揀, 我本來好想買張有生日歌既咭, 好cute架, 有d牛牛唱歌 但價錢真係太貴, 成$100, 唔捨得呀
我唱俾佢仲好喇...........最後買左張無music既咭..........都唔差架....
買完差唔多9點~~ 經過一間shop, 打算買定黎預備下一份禮物
不過左揀右揀..唔知揀邊樣.....搞完一大輪都無幫親......哈哈
笑
笑.原來真係好重要
當你對著自己心愛既人，無論佢做更無聊的事、講更無聊的說話，你都會報上一個笑容。這個笑容代表著欣賞，代表著傾慕，代表著愛。笑容永遠都是幸福的
我不喜歡冷冰冰態度. 如果對方唔開心,我寧願佢向我發脾氣, 向我呻,
至少我會知道對方唔開心, 我會安慰妳, tum妳
總好過冷淡的對待 - 冷淡這個字, 太可怕了
一次半次, 我會明白可能太工作累了, 心情不好, 我會明白的
如果經常性有意無意冷淡, 我會亂諗好多野 ~~ 是不愛我了? 不喜歡再跟我說話了 ?
我很討厭麼? 難道有另一個她取代了我? .....................................
我唔想再想下去~~ 再想, 淚水又不由自主地流下來
2008年7月6日 星期日
回憶
前日網上看到一位blogger既post, 標題係"曖昧關係" - 吸引了我
內容喚醒我幾乎遺忘的回憶:
曖昧關係是比朋友好一點，但又未發展成情侶
曖昧關係是有兄妹既情誼，但大家都知道不是兄妹咁簡單
曖昧關係是當佢提及自己的戀人，你會萬箭穿心，你明白自己的地位，卻無法改變
曖昧關係是會留意著他ICQ的info (我那年代還是ICQ)，無論打咩都覺得關自己事
曖昧關係是甜蜜蜜但酸溜溜的
曖昧關係是很想表露自己的感情，卻又怕把他嚇走
曖昧關係是你很想著緊他，卻又怕他知道你著緊
還記得我們當時分隔兩地, 妳為左等我online陪我傾計, 日日都等到12點幾1點, 搞到你晚晚咁夜先訓得
記得當年我話這裡沒有月餅吃, 你就留起一個寄俾我, 我生日你寄左份禮物俾我 (雖然唔知點解, 個個寄親俾我既大郵件, 我一件都收唔到....唔知去左邊....)
收唔到真係可惜, 不過我心裡真係好開心 (原來遠方既妳對我咁好)
回憶是甜, 唔好好保存, 味道自然有有變化
如果令它歷舊常新, 一個好大既學問
2008年6月7日 星期六
Somewhere Out There
今日無意中見到有一位blog友介紹這首歌
一聽之後, 好耳熟能詳啊~而且好好聽
我還是喜歡小女孩version多一點
http://www.youtube.com/watch?v=XRjb8sMjYu8
Somewhere out there beneath the pale moonlight
外面那裡的某一個地方 在那蒼白的月光下
Someone's thinking of me and loving me tonight
今晚有個人正在想念著我 愛著我
Somewhere out there someone's saying a prayer
外面那裡的某一個地方 有個人正在祈禱
That we'll find one another in that dream somewhere out there
但願我們會找到彼此 在外面某一個地方的美夢裡
And even though I know how very far apart we are
而即使我知道我們相隔多麼遙遠
It helps to think we might be wishin' on the same bright star
想到我們或許正在對著同一顆星星許願 就可以讓我好過許多
And when the night wind starts to sing a lonesome lullaby
而當夜風開始唱一首寂寞的搖籃曲
It helps to think we're sleeping underneath the same big sky
想到我們睡在同一片寬闊的天空下 就可以讓我好過許多
Somewhere out there if love can see us through
外面那裡的某一個地方 如果愛可以讓我們堅強
Then we'll be together somewhere out there
那麼我們將會團聚 在外面那裡的某一個地方
Out where dreams come true
某一個夢想可以成真的地方
2008年6月5日 星期四
3年計劃
近排忽然奇想, 數下手指, 過多數年後, 就要踏入女性最唔想既字頭
由細到大~我究竟有無人生目標呢? 細想下, 我做左廿幾年人, 總算每個階段有過唔同人生目標....哈哈
小學時期: 讀書要考全級十名, 升中要入到Band 1 中學 (目標達到)
初中時期: 又係讀書要前十名, 揀科要揀到自己想入既科 (目標達到, 揀到同學仔被譽為奸商必修科 - 哈哈 - 商科)
中五時期: 原校升中六 (託賴總算順利通過)
預科: 希望入讀坐落背山面海既火雞大學 (尚算好彩, 叫做有考試運, 又過一關)
大學: 只要可以畢業, 成績唔太衰就可以 (成功畢業了, 仲有機會去左盛產三文魚國家浸一浸.....至於成績, 哈哈.....一般吧)
自從大學畢業後, 我既人生目標好似無哂咁...............點解會咁..........
學生時代所謂既目標, 原來都係讀書同讀書...........
現在, 係時候又要為自己定下新目標了?? 思前想後, 好吧 - 為自己定下3年大計
"3年計劃"
- 考到日文Level 3 & Level 2 (今年會報level 3, 希望Pass喇)
- 學車 (自動波還是棍波好?)
- 結婚?! (咔咔......想下好喇)
- 我要做業主 (這個目標會否太遙遠? 計劃中...呵...)
- 觀賞"日本中部北陸立山黑部"雪壁天然奇景 (每年4月中至5月中開山)
希望3年後 (即2011年), 以上全部達標就好了~~
2008年6月1日 星期日
同煩惱講bye bye
依排成日百病纏身, 氣管敏感成日似好未好....
上星期無端端持續心口皮膚敏感, 又紅又痕痕地, ~~ 唔理唔理
終於我都忍唔住, 因為開始一"旦"旦", 位置又太高, 著咩都遮唔到
朋友介紹左一位中環好出名皮膚醫生~ 醫生都唔年輕囉~~不過真係好親切, 佢叫我單字 (好似好熟咁)
最impressive係佢個人好風趣
醫生一見到我, 就話依d係濕疹, 不過唔算嚴重, 好快會好番架
我: 醫生, 我未試過生濕疹, 點解會咁既
醫生: 未試過, 依家咪俾你試下囉....(我聽到....唔知俾咩反應)...
佢見到我好憂心, 就話放心喇, 包係我身上, 我幫你2日內搞掂佢
果然依位醫生真係好有料, 我食左一日藥搽左藥膏, 情況真係好左好多
$270有4日藥同一盒藥膏, 真係好平喇~~ 怪不得我朋友去親都話要等好耐喇....
直到今日, 差唔到好番哂lu~~~ 真係好開心......... 希望唔好再番黎搵我喇
佢咁勁, 我諗我要搵佢睇下其他皮膚問題........
2008年5月25日 星期日
櫻の花見『京阪神之旅』第四天＠奈良 (Part I)
Day 4 4月11日 (金曜日）
行程：奈良公園～東大寺 天氣:晴朗 宿：大原の里
今日７點半起身梳洗，之後去check-out~ 寄存行季〔如果不是package 包２晚酒店，我都唔想轉酒店，實在太麻煩〕
我地拎住輕便行季出發，今日我地去玩鹿仔
第一站：奈良公園
由JR大阪坐環状線到鶴橋站再轉近趺奈良，一小時左右，到達奈良
下車步行廿分鐘（旅遊書行５－１０分鐘是騙人）～未去到奈良公園已經看到了數隻鹿仔～好得意呀
入到奈良公園，周圍都係鹿仔，有ｄ鹿仔BB好ｃｕｔｅ，有人會買檔口鹿餅餵鹿
鹿見到人拎住野食～會圍住你，個樣好楚楚可憐，個情境好得意
我當然有餵，不過真係好驚架～我怕佢地咬到我隻手
其實好安全～佢地ｄ角應該係俾人ｃｕｔ左
有次我自己食緊野～我已經背住ｄ鹿仔， 可是俾隻鹿仔發現左， 隻鹿仔不斷跟住我行．．．好搞笑
更多相片
預告：東大寺～春日大寺
櫻の花見『京阪神之旅』第三天＠嵐山 (Part II)
Day 3 4月10日 (木曜日)
完成嵯峨野小火車之旅, 我地係嵐山站下車
下一站就係附近的竹林同天龍寺
竹林就在嵐山站附近~ 果然名不虛傳, 竹林真係又大又密...又高又綠...都幾宏偉
沿著竹林向著天龍寺方向, 地圖顯示距離都幾遠~
行行下又下起雨來真係唔方便, 還有竹林路本身已經窄, 竟然仲有有好多的士入, 又要掉頭, 我地都好幾次停埋一邊....真係唔明白, 點解自己唔步行
行下行下....行番出大馬路, 開始見番多d人同鋪頭, 但係還未見到天龍寺............
我地停低影下街道, 見到有位日本人叔叔, 佢拎住部好prof相機影來影去...佢見到我地影相, 就話幫我地影..真係好好人而且佢d姿勢好prof....keke
天龍寺
終於見到天龍寺~ 裡面好清靜好舒服
寺內既花花
差唔多12點半~ 離開天龍寺了, 下一站係渡月橋
渡月橋
不過忽然又落大雨, 又凍左好多, 真係狼狽.....我地係渡月橋只係逗留一陣...急急腳走....係附近搵左一間食lunch.....唔係好好味..唔多飽
下一站: 金閣寺
我地乘京福電鉄嵐山站à京福電鉄帷子ノ辻站à京福電鉄北野白梅町站 (約20 mins - 200 yen)
京福電鐵列車好古舊，車站好得意，所有座位係一字排開既長椅般， 車廂好細，有點像香港輕鐵．．．
白梅町站下車，要再轉坐市巴士204或205 號
下車後步行５－１０分鐘，終於到達，乖乖俸上每人６００yen 入場費
金閣寺
人人都誇讚金閣寺好值得去好靚，果然係非去不可
金光閃閃～好靚呀
金閣寺正面
側面
背面
行到４點，我地離開回去京都～又下勁大雨．．．．．
個人又攰又周身濕．．一小時車程～真係覺得特別耐
番去JR京都～行下伊勢丹買野～是晚食迴轉壽司～
第三天旅程完結～又要番去大阪搭JR半粒鐘．．．．
回去酒店還要ｐａｃｋ行季，想起都頭痕～事關明晚宿大原溫泉，明早check-out 東橫Inn，要寄存行季～
更多相片:
明天預告：奈良 & 大原溫泉
訂閱：
文章 (Atom)