周身唔妥

依排真係多多事幹~依個星期經常胃痛.  日又痛夜又痛, 未食飯又痛, 食左飯又係痛

最慘訓梗覺都覺得痛.     突然一陣間好痛..過左陣又唔痛

今日起身又覺得個胃好空, 有d痛~食左少少野, 好似好左d....不過隔左陣又痛番

我都唔知點解~ 一波未完一波又起

我係咪唔可以再承受任何壓力喇.    我覺得自己身體好"jar", 成日依度唔妥個度唔妥

遲下會俾自己休息一下, 要~re-boot下個身體

經過一番深思熟慮, 加上一些預料之外突如其來的personal reason,  更加加速我這個decision

之前公司同事間的傳聞倒是真的, 只是我又不會太在意, 沒有刻意去澄清或者承認, 佢地都好忙, 唔想咁快加重別人心理負擔, 沒有周圍告訴其他人, 所以只是很少數人知道      其實早係一個月前, 我已經因為私人理由請辭了 (我心身都太累了, 加上其他原因, 決定俾自己休息一下)

其實現在應該很多人都知道了, 只是我沒有親口宣佈, 大家不好意思問~ 我相信現在係時間公開吧

 

我有野想講~

thanks for all of my dearest friends' support !!!

It's time to tell you~

買邊部好?!

 

 

 

以上5部邊部好呢? 目的都是用來平時行街或者旅行影下相, 價錢部部相約$3千以下

Ricoh R8 外形跟功能上都非常討好, 只係size上比其他大了少訐

Canon 860is - 樣樣都平均, 可是光學只有3.8倍, (我自己用開這個brand有質素保證)

Panasonic Fx 36- 不足就係mon只有2.5吋

sony T700/T77- 真係又型又薄, colour好sharp, 不過人人都說sony只係得外表, 相片quality麻麻

fijitsu F100fd - 富士出開相機相紙, 質素一向好

好難選擇呵~因為每部比起我依家個部canon近乎古董都好~

 

謎語終於解開左一半

今日好在有Alison陪我~終於去左睇醫生.   好多謝Alison 介紹又陪左我成日

醫生都好老架喇, 至少有五十, 還是個男呢.  不是Alison 話小聰子媽媽, 姐姐個個都睇佢, 否則我都唔多想去

醫生雖然話以佢既experience, 應該無咩事~不過擔心始終會有

不過今日真係嚇親Alison~護士問我有無朋友陪我黎, 駛唔駛叫佢入埋黎呀

我真係好驚嘛, 所以我話好呀, 叫佢入黎呀

大家唔好為我擔心, 應該無事既~~ 依家我要做的,就是 自己決定用邊個方案

又係選擇既問題~~

----------------------------------------------------

Alison 同小聰子好像好擔心我, 所以小聰子車帶左我地2個去北潭涌

有咩做?? 哈, 小聰子買左個長鏡, 所以我地入左去西貢睇/影星, 好多星星呀~自從想當年係外國做交流生, 看過整個晚空滿是星星, 很耐未見過天空咁多星

第時有機會要同Mr. Mak 去睇下星先~~ 等我地是但一個有車牌買左架車..比較方便

我地見到北潭涌campsite..想起小學時代去渡假中心玩...我地問下campsite幾多$, 拎左brochure~day trip 只係幾十蚊可以係入面玩成日....Alison 老師話佢做搞手...我又參與呀~感覺回到小學時...

 

 

好擔心

唉.........好驚呀........好擔心..........

God Bless Me~~

6週年~相識紀念日

今日係我地相識6週年紀念日 - 回想當年我地相識於Hall Ocamp.   不過我當時係無咩留意佢...哈.....不過佢就有留意我喎   相識6年, 拍拖4年零7個月, 真係一段唔短既時間呢

今日沒有安排特別慶祝活動, 放工後坐船去TST join Mr. Mak.    原來尖咀文化中心有個奧運5環, 我真係好鬼out

由於天氣好熱, 無咩心情行街, 我地2個人去左Newway 唱k.....特別日子我當然要點唱喇

雖然今日我倆沒有準備什麼禮物, 我地大家竟然有意外收獲

Mr. Mak係籃球粉絲.   美國夢八出左新波衫, 去 Nike house 要搶購一番

原來真係好多夢八fans~ 我地搶購入失敗, 就連display都賣左

Mr. Mak 好失望.....sales哥哥話宴少少可能會番貨, 不過又講唔到幾時有....唉.....無緣

我地真係宴少少再去過, 見到好多人排隊, 難道有貨.....太好了......... 高比拜仁10 號藍色波衫有貨

我送左一件比Mr. Mak, 佢不知幾開心 (我幾抵錫..哈哈).   我今日都大豐收, 我趁izzue final sale掃3件, 當然Mr. Mak 好識做咁付錢

夜晚我地去左尖東King Ludwig Beerhall食豬手, 腸拼盤...好正好飽...啤酒好大杯好抵飲, 現場仲有live band, 好開心

今日現場有好多壽星仔女, live band 唱左好多次生日歌....

壓力指數爆燈 - 我要爆炸

累透了~依半年來, 無間斷既工作工作...再工作,  不停趕deadline, 我心生都累透了

近這兩個月, 簡直非人生活, 每天12小時工作, 一星期over60小時工作, 工作永遠做不完.   每日轟炸式email, 每隔幾天不是這個趕deadline, 就是那個趕deadline

事無大小都關我事~~ 手一對腦一個, 我做得邊樣呢.........shit...你想做依樣個樣咪請多幾個人囉....

不過出手低又要大學生quali, 搵阿水做, 結果咪又係我地幾個日日勁OT

晚晚幾乎9點先收工.... 依然做唔哂.......死未

我開始精神壓力愈來愈大, 身體開始愈來愈差...我個同事仲問我做咩個樣咁sad.  其實我唔係專登擺個sad樣, 可能太辛苦好stress, sadness comes from my inner side.........

我真係日日心情好down.........我係咪情緒有問題????!!!!!

Mr. Mak 已經成日話點解要咁辛苦...點解晚晚都OT到9點先肯走.  佢話叫唔好再咁捱, 好易捱到病 (佢已經叮囑我唔好捱到好似佢cousin咁....廿幾歲仔就患左d係人聽到都心up既野)   個個星期要mr. mak 心理輔導我...佢對我份工已經有微言

人工唔係特別高, 老闆又變態, 做來做去都係咁............為咩咁辛苦~唉, 我想咩, 搵食艱難嘛

仲要近排唔知係咪心理壓力太大, 日日起身勁甩頭髮, 仲要依個月女性週期性既問題, 唔知因為pressure關係定係有d咩野....仲未睇醫生丫

我覺得我已經去到limit.............唔好再俾加壓力...我就快爆炸