剛剛收到Monalisa相版, 不得不讚Toby多一次 !! Very Efficient
她的offer未必最好, 不過真的很有效率, 有求必應!! 我要求指定send某幾張俾我做相版, 她都好樂意 !!
男不俊女不美, 千萬不要期望過高 !! 只是水準比我想像中好一點兒, 你們不會怪我迫大家睇掛?
所有相片未經修改 !!! 關於價錢篇, 下個post會分享~
~去片~
(我勁喜歡下面依張, 本來想做油畫, 不過sales唔建議, 佢話一個高一個低, 造油畫唔好睇, 所以無揀到)
(我特別要求remove effect, 製成品會用番原色sharp d)
大家覺得點呢? 化妝髮型會唔會太成熟好老? 唔似我??
2009.09.19
時光倒流一年前, 我們渡過了難忘又浪漫4日3夜BKK之旅
這個本是Mr. Mak給我的安排pre-birthday trip !! 他靜悄悄安排下, 竟成了求婚之旅
我一直認為他會在我生日天才求婚, 當時我真係好surprised !! 泰國曼谷之旅第一日, 他正在戲弄我之際, 突然跪地取出戒指, 唱歌, 我立即眼淚直標, 太感動了
當時什麼聽不入耳, 只識喊 !!! 幸好他沒有選擇人多地方或餐廳求婚, 我會好害羞呢 !!
過後回想怪不得第一天時他總是怪怪的, 常伸手入袋子 ~原來他由香港出發去機場直到來到曼谷, 把戒指跟身放進隨身行李中, 時常害怕掉失, 所以要經常檢查戒指是否安全...哈哈.....
還有, 我現在再醒起那天求婚日子, 竟是09年9月19日...長長久久, 份外特別有意義呢 !! Mr. Mak說不是刻意安排在這個日子求婚的, 事有湊巧而已 !! 更多添幾分特別啊
2010.09.25
今日入去珀麗揀相, 心情有些緊張~Sales Toby serve我們, 一開file over二百張相~
一看之下, 我之前擔心的一掃而空~ 比我預期中好好多, Edmond真係影得好好呀 !!!
造型比我想像中好~ 黃色晚裝跟迪欣湖藍色屋仔好相襯 / 粉紅色Fiona晚裝著起來活潑一點~加上Edmond影得好好~ 揀得最多係outdoor, 即迪欣跟馬灣公園~反而Indoor Studio 髮型一般, 加上室內景總是有點兒那過, 幾乎通通給我foul了~ 婚紗相不能沒有著婚紗相片, 勉強揀了數張
由2點玩到6點半, 睇到個人好迷茫, 早知帶多個朋友幫下眼
只能告訴大家我失手了 !!! 明明起初堅持只買相走, 不把額外相片入相簿, Toby口才太好了, 雖沒有hard sell, 卻懂得玩心理, 令我心軟了, 最後只好乖乖付$$走人
走後發現自己忘記取相版, 好白痴 !! 即刻打番俾toby~ Toby話現在serve梗另一pair客人, 問我可否明天再致電給我取email, 難道我可說不, 唯有乖乖話好 (心想她應該不會記得) -- 出奇地星期天中午Toby真的回覆我電話, Toby 真的好有交帶
離開Monalisa後卻有點悶悶不樂, 有些內疚, 為何我會買那麼多, 覺得自己浪費金錢
其實有些相可以再cut~唔知點解當時我地cut到58張時, 竟然話會唔會cut得太狠~ 我們於捨棄區再看多次, 發現有些都幾好, 再救回來
Toby口才太好, 打動我最後選擇加$$把extra相片入落大相簿, 包執 ~
(本身package包35張)
- 額外買多30張相片
- 加大油畫20' x 24' -> 20' x 30' (這是我主動要求的)
- 60張相入大相簿 12' x 15' 無逢珍珠面 (大細相簿包protection)
後記: 我不得不讚Toby, 她非常有耐性, 態度非常好~ 揀相過程中, 挑選10R/8R/5R 相, 油畫 / 相簿封面我們用了差不多2小時, 當中她sell我地把多買相片入相簿, 我們堅持只買softcopy, 她沒有即時黑面~
後來我地又加大幅油畫, 又要重申揀框, 她只叫我地自己揀, 以為她見我們唔落搭, 會態度轉變, 佢依然好中肯話我地揀框唔襯, 不如用依隻啦 !!! 俾著其他, 可以唔俾意見我們, 任我們揀些唔match 框啦 !
我們最後一分鐘, 三心兩意用那張作油畫 (當時其實已出單, Toby依然不厭其煩幫我地改)~ 油畫改動了, 變相影響8R相片跟提名冊 相更改, Toby一一樂意改動 !!!
我們特別要求某些迪欣湖相唔要黑白/變黃effect, 馬灣某些相唔要加effect~我們多多要求又改來改去, Toby全部無say no, 態度親切
暫時由落單, 揀衫, 影相至揀相, 我非常滿意Monalisa服務 !!
收到相片後我會post上來給Bloggers看, 等我呀 !!!! 千萬不要期望過高, 始終不是美人兒 !!
(請問通常隔幾多日收到相版呢?)
2010.9.18 - 9.19
第一天
因為有買1送1巨龍澳門船票關係, 我地又去澳門玩啦~澳門跟珠海好近, 而且珠海酒店平好多~ 選擇了一天珠海一天澳門之旅, 經澳門關閘進出珠海拱北, 好方便
巨龍船務好大好舒服, 成隻郵輪咁大呀 !!
先在澳門來過Lunch, 又是祥記蝦子撈, 另配薑芍魚皮 !! Yummy
天口熱, 去了Gelato吃了雙球雪糕 $25, 好味好抵食 !! 消暑一流
隔離是盧家大屋, 順道入內參觀一番
吃飽了, 我們乘車到關閘去珠海了~ 我們申請澳門e-道~以後拿香港身份證入境澳門可以更快捷方便
珠海金海佳逸酒店 RMB238 ~ 我地今晚落腳點
朋友仔介紹~又新又乾淨 !! 推 !!! 可上網book ~Pay on Site
休息片刻
出發今晚晚飯目的地: 灣仔海鮮街 (酒店附近乘的士約 RMB 30)
我們事先已做定research~有blogger於金坊食店, 這是唯一一間沒有人在門外拉客
果然是呀 !! 沒人拉客, 依然人頭湧湧
有一個staff陪我們到市場買海鮮, 之後交給他們加工 ! 我們買了大約RMB 130海鮮
開餐啦~ 店舖送了每枱一大碗海帶湯, 可清熱消暑
海鮮味道不錯, 不算上乘, 但這個價錢, 絕對是超值 !!
加工費連飲品只是RMB 93 (是晚晚飯 RMB130 料 + RMB 93 加工 = RMB230 有找)
行了一整天, 腳有點累, 我們飯後到了太平洋做腳底按摩 RMB68/90分鐘~ 舒服 !!
第二天
今天行程是澳門, 我們經拱北回去澳門~ 由於有行李在身, 不方便, 我們從關閘乘金沙Shuttle Bus到金沙, 把行李寄存~ 於金沙行個圈, 出發吃Brunch
我們到了大龍鳳茶樓吃點心, 這間古老茶樓, 還是第一次踏足
說真的, 環境衛生不太好, 食具不乾淨, 我們要用紙巾再三抹淨
點食物, 再拿著點心紙出去叫, 等了很久沒人理我...(明明就是站在我前面, 卻沒空理我)
點好後, 等15分鐘
食物味道可以, 但只此一次, 沒有再訪藉口~從未嘗試過, 可來一次試試看
(點心只賣至下午2點, 售完即止)
吃完後, 去大三巴行個圈, 途中遇上時香花生, 買了同事至愛蝦子花生
看見了洪馨椰子, 買了一杯椰子雪糕, 好香好味道~ $12一杯, 貴了點兒
已經忘記了第幾次來大三巴了 ! 指定動作 !!!
差唔多時間, 回去金沙取回行李, 去威尼斯人, 方便之後搭船
去到威尼斯, 先寄存行李, 入去看看運氣~Mr. Mak有少量斬獲
趕乘4點船, 走啦 !! 3點半去到碼頭, 巨龍條隊竟然排到去出面, 好驚呀 !!! 金光凡而無咩人, 可以直入
2日1夜之旅完結了 !! 澳門, 11月再見呀
2010.09.17 星期五
影完第一輯pre-wedding啦~整體今日好好玩, 無想像中般累~天氣晴朗, 炎熱~ 暫時覺得 Monalisa 服務態度好好, 影相日大把人服侍你, 成個公主咁
今日約左11點45分到達, 12點左右開始化妝set頭換衫.....最後我地10點20分先離開Monalisa
Edmond話佢好耐未試過影到10點 !!!
Photographer: Edmond
Assistant: Tom
MUA: Ah Kit
MUA assistant: FiFi
攝影師Edmond : 全日好俾心機幫我地影呀! Edmondn外表cool cool地, 都有少少藝術家脾氣, 因為第一次影, 我們都好生硬, 唔識擺pose, 起初我地唔係做得好岩, 都有俾佢話, feel到佢都有少少唔高興~不過好快無事, 又講又笑
其實大部份時間佢好玩得好風趣, 影到成個人訓落地, 好落力咁架~ 成日哄我地笑, 叫我地加油~而且好認真, 張張相play back睇下我地表情動作燈光岩唔岩, 唔收貨即刻再補多張~影到ok為止
只係中間係沙灘有張相, Mr. Mak get唔到Edmond 要求隻腳點放, Edmond衝過黎示範, 不過個刻feel到Edmond有少少黑面, 我地即刻驚驚地, 打成12分精神~
事前跟我溝通下 ~ 我地主要要求sweet & young, 間中cool下都ok~ Edmond特別問我地想唔想影雪景個part, 天氣太熱, 唔會強迫我地wor..超搞笑~我地當然強烈要求唔影, 一來太熱, 仲要頸巾, 會中暑, 二來都係加effect, 太假了~ 個人不喜歡而已
攝影師助手Tom好怕羞, 好多時講野細聲到我地個個聽唔到~不過都好好, 全程幫手拎花球~
化妝師係阿Kit (原本我remarks Lillian, 不過前一日Monalisa 打黎re-confirm時間, 知道Lillian俾人加$book了 有些失望, 早知我都加$ 啦)~ 整體MUA 阿kit服務都好好, 早一日remind我帶d咩~ 不過造型不是我最喜歡 , 有些遺憾...
化妝時發生了小插曲: 當天化妝時, 阿kit見我岩岩打完個底, 轉頭開始溶, 問我搽左d咩 [我咩都無搽, 只係"fu'左水份mask]...阿kit話下次fu完mask要過水先, 否則個妝好快溶, 結果佢寧願幫我抹掉底妝, 重申再打底, 服務好好 !! 我自己倒有點不好意思呢
外景化妝師助手FiFi: 佢負責幫我換衫, 補妝 同出迪欣湖時幫我補妝~外表串串地, 不過其實好nice好0靚妹架 ~ 出外景上車時先知有化妝助手跟我, 幫我整理衫, 頭同補妝~仲預備雨傘俾我地擋太陽, 我忘記了拿飲管, 原來FiFi幫我預備了 ~~ 依樣係out of my expectation !! 讚 !!
我地約左11:45am~大約12點開始化妝....化妝set頭換衫差不多2小時, 我被人服待都覺得等到悶, 何況Mr. Mak
2點出發去迪欣湖, 2點20分到達~開始影影影, 影了約30-40 分鐘, 我地離開迪迪, 坐車回去珀麗灣換衫換造型, 準備下一站馬灣公園跟沙灘景
因為無電話無手錶, 完全無時間觀念~只知道著最後一件室內婚紗, 等影鋼琴, 問下Edmond時間 , 那時已8點半~不過我地先岩岩開始影室內景
大家幾pair人排住隊影~Edmond同我地影左沙灘夜景先 !!
影完沙灘, 露台, 酒吧~等入房影, Edmond俾我地睇下今日所影相片, 我地睇左十幾張~影得都ok架~
影到最後一間公仔房~Edmond報時話10點啦~~ 影多十幾張就收工啦......真係辛苦哂大家了~
我們走時, 好像仲有一pair剛剛影完準備換衫走人~~~
~ 約了星期六9.25 揀相 !!!
Monalisa本想約我地第二日即刻揀相架~不過我地不在香港,唯有等多個星期,
希望影得好啦 !! 我始終擔心髮型影出黎效果不太好 !!
Tips for 未影相JM:
化妝:
1) 到時入去化妝室前要拎定造型相係手, 因為坐底之後完全無時間俾你去拎其他野, 到時太多其他新娘子, 個個都快手快受腳, 根本唔會有揀有時間俾你慢慢諗點整, 慢慢揀~ml你男朋友又唔係你視線範圍, 無人幫唔到你架]
2) 千祈唔好信MUA~ 我第一個造型原本自己要求Fiona個髮型, 不過MUA話可能整出黎會大個左架~我信佢, 於是叫佢幫我design, 不過整出黎又唔係我最喜歡style...但又唔係唔靚既 ! 後來回家後我見人地blogger整依個hair都唔老呀 !! 回到家後才後悔唔堅持!!!!
影相:
3) 預早諗定自己想影什麼style 相片 e.g. sweet, grand, elegant, cool? 雖然當天攝影師會跟你溝通下, 都會俾些相片你看, 不過事前準備下, 令佢地更易掌握~如果有某些地方好想影多些或某些好想影pose e.g. 揹/抱都可以requested !!
其他:
4) 如果單寫明已包乾濕粉卜, 不用再額外帶~去到後期補妝, 已經亂哂, 唔會再用一開頭那兩個預給你新卜
5) 高跟鞋: 幾乎影唔到, 除非你想指定影對鞋, 或者你個子太小, 想著高跟鞋拉過個人, 否則不用帶太高, 免得辛苦
6) 請不用拖"gip": Monalisa locker好細, 容納不了個gip~我地要把所以東東取出, 放入locker~很亂~不必要東西不用帶了
7) 防走光/雙面膠紙: 不用帶, sales會幫你pin得好緊, 會把gown跟girdle 係胸口位用pin整在一起, 只要記得帶束褲或打底褲便可 !!
8) 如果男士嫌Monalisa提供西褲太鬆唔fit身, 可以自己帶去私伙西褲, 唔著Monalisa (fitting當天問了, 著私伙西褲不用加$$, 整套私伙禮服才要俾$500/套) -- 之前fitting時已覺得 Monalisa 提供太鬆, 著了怪怪的)
9) 女孩子set頭時, 會有另一個女仔sales 配襯耳環/手鏈/頸鏈~一般取兩套給你2選1~如果有特別request, 可以叫她們拿多套給你揀~ 不過我好滿意佢地幫我配襯飾物
10) 著婚紗, sales都會拿2套手套給你挑選~一般拿長手套~ 我個子小, 我要求了短手套, 最後揀了劉心悠那對
我的Pre-wedding花球終於面世啦~
話說8月頭開始搜尋花球,一早決定pre-wedding只用絲花花球
雖然絲花花球係相片中只是襯托角色, 但我都好努力四出尋覓, 不知是否我太挑剔, 坊間有得售賣絲花球幾個大路地點幾乎給我全看過
Trinice / 繽紛 / Grand Forest / 百利跟金都鋪頭仔
沒有一個給我看上~
我希望要花球粉色系 (扎上白色同綠色花仔), 不要太淺不要太鮮色, size不要太大
偶然機會下從blog友圓圓 同 Blog友 Kanie 知道K's Floral's Wedding~K's 花球完全是我style, K's 係一個freelace, 大概是近年開始接job, 所以作品好updated好新~ 我很喜歡K's (kitten) 整一系列花球/手花/襟花/簽名筆 ...最重要價值比街外買更合理
我給K's 一張sample相片, 希望盡量利用相似花材tailor-made~
Kitten會按照喜好/相片/新娘高度再修改, 大約2個星期見到sample ~確認形態 滿意後, 再等待2星期可以見到最後製成品
不負所望, 我好滿意好喜歡呀~我只是要求花腳那部份修改一下~~ 上星期相約交收了~ 實物跟相片一樣美~ 多謝Kitten
花球是非常shanshan style !!!
星期六晚回家後媽媽問我: 你買了花球?
我: 係呀~星期五影相啦
媽媽: 可以Keep到咁多日咩?
我: 這個是絲花花球, 不是真花呀
媽媽: 我還以為是真花呀 !!
果然靚到好似真花一樣, 影相上鏡後一定分不出真係花假花了
登..登..登..登...我的花球 (借用了Kitten's blog 相片, 希望Kitten唔好介意)
(修改後)
(修改前)
如果大家有興趣搵人整絲花球/手花/襟花/ 簽名筆, 可以考慮搵K's Floral Wedding
Kitten覆得好快好efficient~ 又可以tailor-made, 價值合理
記得上年11月係expo落訂book pre-wedding, 話咁快下星期五就影第一輯Monalisa Pre-wedding~ 時間過得咁快既 !!!!
要準備的重要items都妥當了, 只差一些濕碎事項未買
希望到時好天氣啦 !!! 晴天公仔 !!!
搜集了之前blogger影相心得, 綜合了一個列表來對照, 以免有遺留:
| 新娘必備 |
| Girdle / nude bra |
| 打底褲 / 束褲 |
| 高跟鞋/ 波鞋或舒適鞋/ 拖鞋 |
| 開胸上衣 (方便換衫) |
| 防走光乳貼 / 雙面膠紙 |
| 橡筋/帽 |
| 化妝品 (如敏感肌膚) |
| 化妝水噴霧 |
| 卸粧用品/棉花 |
| 乾粉濕粉撲各一 (如需要) - Monalisa已包 |
| 假眼婕毛 (如需要) - Monalisa 已包 |
| 內衣褲(出海時有可能需要用，如果弄濕了都有得換) |
新郎必備
男士恤衫
黑皮鞋/拖鞋
黑色西褲
牛仔褲 / casual 恤衫
黑襪
白色底衫
鬚刨
Bow tie (如需要)
袖口扭
Hair Gel
乾粉濕粉撲各一 (如需要)
消閒雜誌/遊戲機/MP3 (女仔化妝好耐架, 唔好悶親男友仔)
內衣褲(出海時有可能需要用，如果弄濕了都有得換)
Contact lens
眼藥水
帶蚊怕水/貼 & 防曬
毛巾
小鏡子
Package Receipt
Hair Styling Ref photos
Photo Shooting Ref photos
乾糧 (如糖果/ 細件庄餅干) + 水 + 飲管
雨傘
紙巾
風扇仔
喜歡的飾物: 萬一選不到,都有自己的頂住檔. 特別係手幼的姊妹，要帶手鍊
道具
結婚公仔 - 不打算準備
肥皂泡
介指
氫氣球 - 運送有難度, 之前有jm話唔即時用, 好快無條, 升唔起
花球，頭花，男襟花
日期牌 - 我不會整了
如果有遺留, 請大家話我知呀 !!!
何航生個仔新開巨龍船務 - 現在首航推廣 BUY 1 GET 1
繽紛夏日買一送一推廣優惠 | ||
以正價購買去程船票可獲贈一張免費回程船票。回程船票之日期須於去程日期航班起3天內，並適用於星期六、星期日及假日之航班 推廣及乘搭日期: 2010年8月5日至2010年9月30日止 登船地點: 上環港澳碼頭 上岸地點: 氹仔臨時客運碼頭 購票方法: 信德中心304A號舖 親自購買
|
即平日出發買最平的實惠客位一張只須$88, 再送一張回程 - $88 來回船票 (二人去不用$200已經可以去澳門
揀選星期六/日出發, 每位只要$129 - 2人去$258
抵抵抵!!!
我已經買左啦~
船票買一送一之條款及細則: | |
|
