我有一張 iwedding club寄給我Wedding Expo Ticket (可最多2人同行)
可用於8.27 - 8.29 一連3天 會展Wedding Expo
今個Expo我唔會去, 所以想張ticket 轉送其他想去又無免費飛Bride-to-be
如果你地有興趣, 可私人留言我
由於今天忘記帶係身, 如要交收, 只能明天放工後或星期六早上
~只此一張, 先到先得~
2010年8月26日 星期四
2010年8月24日 星期二
2010年8月23日 星期一
8週年相識紀念日
2010.08.23
8週年相識紀念日
女人特別多日子要記..又紀念日, 又生日, 又拍拖紀念日.....連相識都要紀念
今日係我地相識8週年紀念日, 大家工作太繁忙, 今天沒有特別慶祝節目, 昨了吃了一頓飯, 當是pre-celebration
回想8年前第一次見面, 沒有特別impressive印象, 我們其實初衫都沒有太多交流~之後因為一位common friend, 大家有了共同topic~可以話緣起於ICQ...
中間有段時間去了外國讀書, 反而加速我們發展....哈哈..我不在港期間, 他做了些令我感動的事, 令我更欣賞這位男孩子
認識了約一年多, 在我回港後, 他表白了
~現在回想過來, 怎能預計8年後我們會是大家Mr. / Miss Right, 會是對方另一半 !!!
我覺得太amazing 了 !!
2010年8月8日 星期日
Monalisa試衫篇
2010.08.07
今天約了2:00pm去珀麗灣試衫~serve我的是Kammy~Kammy態度非常好很有耐性有禮貌, 我地全程試衫都雞啄唔斷~ 原來佢係Beauty Hera轉過來, 怪不得Mr. Mak一開始時話覺得佢熟口面啦
仲有一位sales M(不過sales M麻麻地, feel到佢少少覺得我地揀得耐lor, 好就好在佢話如果我揀唔到, 可以拎多幾件俾我試wor~)
今日比我想像中試件數多呀 !! 基本上網上選了的20件, 我試了合共13件 (其中8件EG 5件WG)..每試完一件可以影低...
Kammy說Fiona Sit系列我都揀了有眼光~哈哈我覺得Fiona著個幾套真係幾靚
我揀完到Mr. Mak啦 ~~ 公司款Luxe款都試哂, 不過even Luxe款都一般(upgrade一件$500; 2件$800) 我地問可唔可以自己帶私伙, 佢地話可以..不過要俾$500...唔係呀..自己拎私伙都要俾$$, 搞錯
最大問題, 男仔d褲咁闊既~~唔型wor~ sales話褲就可以私伙wor...
揀無可揀, Mr. Mak本來想揀2件黑色, 不過我覺得影相睇唔到分別, 不如揀一件另一隻色, 最後挑了一件公司款黑色同Luxe款銀色 (upgrade一件$500)
我選了下面3件
Indoor WG
(本來想揀前短後長, 不過可能條裙唔夠短, 著出黎我個人好似仲矮左..所以無揀~揀左一條 公主款, 因為我肯定自己big day唔會著依類型, 影相著下無防)
Outdoor WG (到時唔會用吊帶, 變low-cut)
(for 馬灣公園同beach)
(for 迪欣湖)
整個揀衫過程1個半小時~~比預期耐啊
不過有點我唔多明白~另一個sales M 話到時先影迪欣, 再影馬灣, 最後室內~ 因為衫唔會番著, 所以Indoor WG會著黎影studio景同夜景沙灘...奇怪啦..Indoor WG 咁大個鋼紗係入面可以著出去咩? 咁咪好論盡lor?
2010年8月6日 星期五
(分享) 旅遊相記簿Workshop - Lesson 3
2010.08.06
最後一堂scrapbooking, 有少少唔捨得.....Olivia問我地連續2日上堂會唔悶
我地異口同聲話好好玩..上多幾堂都無問題
最後一堂要衝刺, 我地今堂必定要完成total 7頁, 最後一頁Olivia俾我地拎回家制作...今堂又破記錄...11:20 pm離開....真係好抵玩呀 !!! 辛苦了Olivia
開動 !!! 不停手...先把上堂第二張內頁相片貼好...再揀好封面字母...整靚靚
今日要快速完成餘下指定4頁...challenging !!!
先用卡紙把喜歡pattern紙拼貼好...pattern紙淨色紙間住拼貼好, 我地要利用這張拼貼好的紙創作其中3頁
開始前Olivia教我地用embossing powder/embossing folder 跟熱風槍
用Cuttlebug 把紙切割不同photo frame..一張紙變成3個大小不同frames !! 今次用不是cuttlebug專用的
最大frame可放2張 3R相片 (放橫向相較好)~ Olivia叫我地可以利用embossing folder decorate 呢
第二大frame可擺放一張直身3R 相片~
最小frame可放一張2R相片~直身橫向相都合適啊~Olivia教我地可以整2張好像bookmark 紙~可以拿出來寫字 Good Ideas !!
頭先數錯了以為完成指定7頁…等我慢條斯理……點知….發現差一頁啊..OMG
幸好其他同學仔進度跟我差不多…還有時間…加上多得Olivia出手相助 幫我cut紙…這頁反而成為我最喜歡的一頁…
由於時間無多, Olivia幫我地各人襯好最後一頁pattern紙, 讓我們拿回家完成, 還教我們怎樣將其合成
Olivia話3堂真係唔夠時間完成8頁…所以之後再開既班會改為6頁…大家不用趕頭趕命…唔駛Olivia陪我地到11點幾
我的制成品:
整體我非常滿意Amor Workshop, Olivia非常細心悉心教導啊~使我們擁有unique travel album !! 第一次玩scrapbooking, 我十分滿意是次作品~ 希望好好利用學了技巧, 創作多幾本travel album~我還打算之後報book binding, 有興趣JM如果時間夾到可以齊上啊
2010年8月5日 星期四
第一件Girdle <私人胸間>
2010.08.04
話說星期六去試衫了, 還沒有預備girdle
早2個星期, 到訪過<私人胸間> 及 <Satami>~~試穿了
因為Satami只有一款, 不合身, 最後決定不去blog友介紹既荃灣一間小店買Satami girdle !!
上次試<私人胸間>其實不錯, 不過sales 怎樣不肯加pad...意見不專業
今天放假出去尖咀店再試多次~ 打算如果揀不到, 會去cwb搵蔡太買
是次私人胸間sales好pro好有耐性解釋..地方又大, 不會一開始推銷最貴girdle...還說隱形款 (HK$780)反而不合我身形
最後揀左有lace個件, 同一件girdle今次效果好得多, 跟上次差得遠...最少我見到少少應有 effect 
唯一缺點, 如果著satin或薄身晚裝, girdle lace會透出來..要加穿束褲或轉用nude bra
想買束褲收下hip位, 點知沒有small size~要等多一個月先有貨..唯有到時揀左衫看看是否需要
原價$480, 85折後$408 !! 我覺得價錢acceptable !!
(分享) 旅遊相記簿Workshop - Lesson 2
2010.08.04
因為上堂黑雨關係, 順延至今天第二堂
今日開始要整內頁, Olivia 提我地要完成3頁, 先整底面及 + 1 頁內頁~~ 我地好慢呀...整到10點45分...辛苦Olivia..搞到咁夜...陪唔到囡囡
我今天完全不在狀態..手腳好慢呀...明明開始放假.........可能早幾日OT後遺症...
先揀一張pattern 紙同淨色紙做cover and 底
我又揀左brown 淨色襯番個theme先 (其實無theme可言..哈哈)
度呀cut呀~~ cut到好肉酸呢
揀多一張淨色紙, 用punch整花紋..我揀了花花punch
挑選絲帶...嘩...我自己覺得好match (自己讚自己), 這part cover跟底頁一樣整法
今堂開始用cuttlebug~~各位DIY queen, 一定好熟識用慣用熟
(我曾經打算買一部架.不過礙於要HK$700-800..我又唔知有無用, 最後無買)
因為我唔係dyi queen, 今次第一次見Cuttlebug真身...原來好細部 (我之前上網睇相, 仲以為好大部)
好好玩呀 !!!! 原來Cuttlebug唔算貴..貴在買配件....
我用Cuttlebug 專用 Dit Cut 整d 花花decorate Cover先 !!
加幾粒珠珠
(Olivia還示範了Embossing Folder (浮壓)..好靚)
完成cover下半part..又要揀pattern紙整上半part ..今次配襯相片 (Olivia建議用2R相或者張3R cut細大約2R size)...加條絲帶
開始整第3頁, 打直, 所以我揀一張3R直身相 (不過要cut少少就位)
又係揀紙時候....因為腦閉塞, 諗唔到野, 我就唔多滿意依張配搭
揀完紙又揀2條絲帶....再整3個eyelet位
完成 !!! 因為我太慢, 未有時間stick張相...下堂整埋佢
下堂即係今日啦...yeah....好期待自己制成品
2010年8月4日 星期三
Monalisa 揀衫
9月中去影相, 約了這個星期六要去Monalisa 揀衫啦
依排忙到嘔, 無9點幾10點返唔到屋企, 一直無時間上網選衫, 結果到last minute先做
今天開始連放5天大假......終於有私人時間
今早終於俾我揀20件衫....目標選1WG + 2EG..希望到時揀到啦
外景由迪欣湖>石澳>石板街>赤柱, 最後重投迪欣湖懷抱
Indoor WG
Outdoor WG
其實我較傾向所有外景著晚裝, 我喜歡有多一點顏色, 不過揀左先
Evening Gown
<粉紅色系>
<藍色系>
<黃色系>
<綠色系>
影迪欣湖, 應該選藍色定黃色系較好? 藍色會否跟藍色屋仔撞色? 還是婚紗好一點? 可否俾些意見我呢
訂閱：
文章 (Atom)