終於收到相啦
我一路以來, 我都好後悔當初一時衝動join 了Monalisa, 因此不是特別期待Monalisa 這輯相~不過當知道快要送來一刻, 確是有些興奮的
公道些來說: 我滿意monalisa services (起碼我無不愉快經歷, 無遇過衰staff) 由揀衫, 影相, 揀相至取貨都無問題, 服務好好, 跟得足
我等不到Mr. Mak 過幾天來我家, 我已經先來剪綵
登登登登.....製成品
提名布
8R 相架 x 2
大相簿
細相簿
超大的油畫
(說真, 我十分十分後悔揀了這張相, 不知道為何當初揀了它, 現在的我真不太喜歡它~
當日揀相揀到個人傻...又要揀依樣個樣, 個人唔清醒下選了...(所以記得帶朋友去揀相)
Mr. Mak話其實無問題, 他是喜歡的. 你可能會問我, 咁有咩問題? um....我覺得唔岩FEEL...ai...我有少少嫌棄它啦, 點算
相片不日送上...
是次pre-wedding, 我非常滿意
~~Macau 由始至終都係我最favourite 地方, 對我倆亦是個非常有紀念價值的地方~
雖然價錢一點都不便宜, 不過無論Quality 定Quantity, 我覺得倒是值得
就由你們來評評分吧~~~~去片
{照片compress 了再upload上來變左低清版
***For Sharing or Own Record Only, 請勿轉載***
<萊斯篇>
待續...
早幾日, Monalisa staff 打俾Mr. Mak 話我地D 相已經READY, 可以星期一(27/12)送黎
點解要咁SHORT NOTICE? 我地要求改星期三送黎, 即係聽日會有啦
(我唔明點解下下打俾Mr. Mak? 明明係送來女仔屋企啊)
之前揀相話1月尾先有, 依家足足早左成個月來啊~~ 突然間又多一份new Year gift !!!!
我唔知開心定唔開心好呀 !! 打亂左我個PLAN, 我依家要快快執房, 謄空個地方安置我地sweet photos & 油畫
收到相後, 好快又可以share 部份俾大家睇LOR
大家等我呀 !!!
相片將源源不絕送上
預祝大家新年快樂!! 2011將是特別一年, 好期待啊 !!
12月25 - 12月26日
hOPE Everyone had a Happy Christmas !!!!
婚前最後一個單身聖誕日, 我跟Mr.Mak還有他幾個cousins來個2日1夜澳門/珠海遊
澳門突然好像成為我們第2個家, 今次已是2010年第4次訪澳門, 我自己覺得有點crazy !!
其實每一次都有不同mission, 感覺都不同
今次一行六人感覺好熱鬧, 我們倆第一次在香港以外地方過聖誕 ! 澳門聖誕節日氣氛都好濃厚, 周圍聖誕裝飾, 冷冷氣溫, 再加添幾分聖誕感
暫時pre-wedding 告一段落, 加上距離BIG DAY還有好一段日子
今次, 我終於可以破戒, 大擦一番, 整個TRIP吃了很多東西~海鮮, 咖哩, 餃子, 胡椒餅, 翅, 蝦子撈, 金沙鯪魚球, 葡撻.............yummy yummy !!!!!!!
議事亭那棵藍色聖誕樹都好靚呀~~周圍充滿聖誕裝飾物
$1.2 一隻餃子, 都幾好味
之前去台灣未吃過胡椒餅, 今次係澳門試食一個~$12一個幾貴啊, 味道一般LOR
添發魚翅 & 祥記
珠海灣仔海鮮街
望穿秋水, 終於有消息啦
多謝攝影師小輝輝一份咁好聖誕節及新年禮物
好期待呀 !! 希望快D收到隻Disc !!
More to Come ~ Stay Tuned
一直都想去SSP買絲帶, SSP咁大都不知道那裡有
早前blogger Louisa介紹, 終於去了鴻昌服務用品配飾有限公司 (地址: 南昌街128-136號南邦大廈地下)
去到南昌街128號, 搵左好耐都見唔到, GPS埋都見唔到既~~ 問下鋪頭入面既人, 原來分單雙號, 鴻昌咪係對面馬路, 好白痴
果然好多絲帶, 係鋪入面揀左好耐, 終於有斬獲
原來南昌街都好多間賣絲帶店鋪, 順便入去附近同對面馬路幾間, 多數都有一碼碼散買
除了鴻昌, 我都推介一間叫正興織帶公司 (地址: 南昌街109號地下), 這間好多不同種類絲帶, 繩....款式不錯, 大部份$4/碼
今日收獲, 來個大合照
波點系列:
淨色系列:
格仔系列:
花紋系列:
今日合共大約買了$75絲帶
買咁多有咩搞?! 打算整一份禮物送俾Mr. Mak, 可能用得著, 咪買左先
我會整咩? 整得成先再話開估俾大家知啦
12月10-12日一連3日 Wedding Expo又來了
我收到iwedding club invitaton card~不過因為我那個period 不在香港, 用不著
為左不要浪費, 我無條件轉讓給有需要Bride-to-be
手持一張可2人同行
有需要準新娘私人留言給我, 先到先得
交收地點: 旺角/太子區
我返黎啦 !!!! 澳門天朗氣清, 不冷不熱 !! 一齊順利, 影得好開心呀 !!
幸運地, 我2件晚裝係去澳門前一晚搞掂哂, 影相日大派用場, 好彩好彩 !!! SIUFAIFAI同MUA激讚第二件晚裝~ 全靠MR. MAK好眼光
快樂時光過得特別快, 簡直唔想完呀..... 好想好想再影呀 !!!! 如果我有$$, 我一定搵SIUFAIFAI再影第三輯 (想下就可以....
辛苦攝影團隊, 大清早要搭7點半船過來JOIN我們~未夠9點上到來萊斯酒店, 我們由11點影到7點, 影了OVER 7小時了~~
今日我地做左好多人景點, 唔知點解遊人見到人地影婚紗相都非常好奇, 企起到望住你影相, 仲要舉起相機影下你 !! 仲有外國人恭喜我地, 好搞笑 !!! 我地好專業, 完全當其他人無到~~ 可能我同MR. MAK影過一次MONALISA, 今次影第二輯, 好多時識自動波, 好合拍好有默契 !!!
全日時間CONTROL得好好, PLAN好景點都影齊了, YEAH !!! 如果可以再影多幾地方就好LU..HAHAHA..澳門絕對一個影相好地方, 什麼原素都有 !!! 教堂, 舊街, 彩色屋仔, 白色燈塔, 歐陸建築物........
我地一共影了: 萊斯酒店; 松山燈塔; 望德堂瘋堂斜巷; 主教山; 龍環葡韻; 新濠天地 + 威尼斯人夜景
特別鳴謝攝影師SIUFAIFAI影得真係好好呀~~ 雖然我未收到相, 不過每影完都有REVIEW 幾相俾我地睇, 我們好滿意呀 !!!
而且SIUFAIFAI真係做到我想要既野, 好多時俾我地自己玩/自由發揮, 佢就旁邊 CATCH我地神情, 出來感覺好自然, 唔會好似MONALISA企定定, 擺哂POSE, 再1,2,3 影 !! SIUFAIFAI份人又平易近人, 完全無藝術家脾氣, 我地整天合作得好愉快, 我地好ENJOY !!!
MUA SHAN 好貼心跟得好足, 化妝雖未必係100%我想既野~~不過出來效果都不錯, 又幫手做埋打燈, 讚 !!
助手倩兒, 人仔細細, 不過好好力, 拎起打燈工具完全無難度~~好幫手呀
司機鄭小姐, 好準時到達, 有交帶~~ 有車真係方便好多, 可以係車上換衫轉造型, 景點之間車上車落真係慳好多時間 !!
大家一定好心急想睇相, 不過我地無手影花絮, 暫時分享唔到住 !!! 好彩攝影師SIUFAIFAI放左其中一張張相係FOTOP.NET 既ALBUM 做COVER, 我CAPTURE住一張俾大家睇下啦, 其他我要等收相先可以再SHARE啦 !!!
我最愛舊街景區 !! 依張等左好一陣子, 先影到有架電單車肯駛過, 好多架電單車見我地影梗相都避開行第條路.....
前日出Post後，得到咁多位Bloggers 回覆，大家都好熱心出手相助 ！！
錫哂你地呀 
好開心同大家講我條裙同頭紗好戲劇性地尋晚到左香港！！ 之前件晚裝順利改好了， 好ＦＩＴ身呀 ！！！
所以事情今日解決了。。渡過了驚險１２小時！！
尋日由朝早返工幾乎每小時ＣＨＥＣＫ一次，尋日放工竟然突然到左香港，真係開心到唔知講咩呀 ！！？
飛樸去順豐自取， 回家極速試上身。。ＯＭＧ。。我拉唔到拉鍊呀。。太窄。。點算呀？！
即打電話俾之前幫我改裙既娟姐求救～問佢明天拎條裙幫我改，可唔可以即日改番俾我～～ 娟姐太好人，改衫一流， 答應幫我３小時內改好俾我 ！！ 改好試上身，真係好岩身呀 ！！ 太好了
依家２件晚裝都ＦＩＴ到流呀， 有衫著啦。。出發前一日先搞掂哂，真係一額汗！！
＊＊極力推介總統商場稱心改衣專門店 - 娟姐＊＊ （娟姐間店舖農曆年後會搬去第度啦）
明天出發去澳門影相，希望順順利利 ！！ 大後日回來再跟大家分享 ！！
激死我..............啦！！！！！！！
依２星期發生好不如意事。。。。黑仔呀
１） 上次布藝坊訂造件晚裝，上星期六first fitting， 見到find product, 又話做到９成似， 完全不是那回事～～～ 又唔岩身又唔像原圖。。。。。我太天真高估了， 結果我寧願放棄訂，蝕左幾百元， 唔要條裙，費時眼冤
２）因為有藝坊條裙唔掂， 臨時臨急上星期一即刻係淘寶買左條裙，本來都好順利，賣家答應５日內發貨，星期五晚發貨了， 星期六已經去到深圳，以為ＷＥＥＫＥＮＤ拎到， 估都估唔到，件貨竟然去到深圳俾班大陸海關抽中查車， 我條裙由星期六早上到今日已第３天， 依然都仲係深圳等清關。。
激死我啦。。。。。。。。。都唔知趕唔趕到星期四前收貨
３） 我訂左個頭紗，依家頭紗同晚裝一樣係深圳等清關。。。我無頭紗用呀 ！！！ 要去買過？ 有無人可以借俾我呀？ 嗚嗚。。。。
好黑仔好黑仔呀 ！！！！ 好彩我仲有一件晚裝之前多手訂黎做ＢＡＣＫＵＰ， 條裙拎左去改， 聽日去拎啦。。。希望順利呀 ！！！ 唔好再玩我呀
早前係淘實買了一件晚裝, 試穿後覺得可以再緊一些
請問那裡有得專改晚裝地方? 價錢如何? 可以介紹
因為幾URGENT.....如有熟悉或幫襯過, 請推薦? THANKS A LOT
2010.11.09
Mr. Mak 係黃子華粉絲, 子華talk show DVD他最少每隻看了20次以人...瘋狂
一直未有機會現場支持下...尋日黃子華TALK SHOW最後一場, 終於有得睇啦..紅館全場爆滿, 勁呀~
我們坐$250 位, 第25行, 不近不遠吧 !! 看得很清楚
TALK SHOW 2小時半...內容都好豐富呀.....一氣呵成, 沒有廁所位, 好多位真係好搞笑 (不過假如不是黃子華, 我相信有些位, 我不會覺得好笑, 這些就是先入為主吧!)
娛樂圈血肉史II - 圍繞子華自己辛酸史...他今天成功不是一朝一夕, 他經歷過等運到日子, 被說成票房毒藥, 不得不承認子華拍電視劇/棟篤笑很出色....他真的很有才華...只是不夠別人俊俏, 結埋給沒了
不像現在明星們, 有樣有身材, 只要公司開幾部戲硬銷一下, 做幾期雜誌封面, 不斷出席宣傳活動, 不懂唱歌去出唱片, 不識演戲卻常在公仔箱看到, 怪不得有才華ARTIST真係買少見少...
２０１０。１０。２９
整個１０月忙到甩轆，上星期一年一度大ｆｕｎｃｔｉｏｎ終於完結啦,
可以鬆少少氣啦～～～幾日啦
本來我都好想１０。２９慶祝，大ｆｕｎｃｔｉｏｎ前夕邊到有得早走呀
依家寫下ｂｌｏｇ， 紀念下先～～ 只餘下未夠一年， 要快些ｐｉｃｋ ｕｐ進度啦
還有一個月便到澳門拍攝第二輯婚照, 很多事情要準備呢
整個10月工作太忙碌, 放工回家後完全不想動腦思考~只有WEEKEND可以準備一下
準備婚紗晚裝, 行程, 租車, BOOK 酒店.........選擇FREELACE很多事情要親力親為, 我相信是值得的
說回正題, 攝影師說澳門細, 有車的話可以多去幾個地方, 吩咐我挑選4-5個地方, 略略編排一下行程表
我會有1件婚紗1件紫色晚裝, 現在考慮係淘寶買多件藍色晚裝, 編排行程時都要考慮景點跟服裝的配合
肯好我一早已計劃好拍攝景點, 利用GOOGLE MAP, 便知道行程是否順路
萊斯酒店 (一年多前已決定必影, 內裡維多利亞式設計, 還有那條長長樓梯, 非常喜愛)
主教山
望德堂瘋堂斜巷
燈塔
民政總署 (如果有時間, 都想影幾張啊)
龍環葡韻
威尼斯人夜景
