睇Harry Potter + 書展半day 遊

萬眾期待Harry Potter and the Order of the Phoneix 終於尋日睇左啦~

我當然只係去普通戲院欣賞啦~ mega要成一百一張~實在太luxury 啦

今集可能太多事情要交代, 感覺好似講多過做~ 張秋同Harry 一吻似乎可有可無wor

整體都還可以既~ 哈利迷可以一看

睇完戲~出發去書展啦~今年一早諗定買咩書~去到周圍睇下格下價先

不過星期日關係真係好多人~ 似乎今期書展成為香港人新景點~

今次目標係要買日文書架~ 哈哈~買左4大本都只係$2xx~係書展買真係扺好多

其次就係我要買番Harry Potter 第三至第七集

我4年前已經係London 買左第一集Harry Potter, 前年係書展買埋第二集~不過當然買左都係得個"擺"字

今年我決定要睇哂佢~所以買定full version ~希望2個月內可以煲哂佢~

今年書展好難先搵得到頭幾集, 好辛苦先俾我買到.......上年記得有整套Harry Potter 賣架

好彩男朋友同我share~否則淨買哈利都要我破產

結果今日我自己都掃左$500書~

不過之後係hall 2 榆林書店竟然俾我見到有齊Harry Potter~仲要買2本英文書七折~我真係好唔開心~

蝕左tim........

白之戀人曲奇

今年男朋友生日, 由於唔想又成日整蛋糕

今次搞搞新意思~白之戀人曲奇

當然同真係日本白之戀人外形有分別啦, 不過味道都尚算唔錯架...而且真係唔難整

做法都好易~ da da da da.....製成品

炎炎夏日@貝澳

同男朋友補足生日 ~ 2日一夜貝澳之旅 ~ 回來了~又熱又累, 不過真係好好玩

先係東涌taste買齊煮食用品, 坐車車出發去貝澳, 由於miss左一班車, 結果要呆等超過半句鐘, 炎炎酷熱天氣, 真係..........狂標汗

約45分鐘車程終於到達貝澳 ~ 下車後仲要行多10分鐘 - 拎key (不過左手一袋右手一袋, 咁行真係好辛苦, 最重個幾袋已經男朋友拎左, 真係辛苦佢啦)

約左agent拎key~ 得知我地間屋仲要行多十幾分鐘.....真係.........下......唔係呀...暈啦....

幾經辛苦...到啦.......雖然我地間屋對正each, 不過似乎真係行得太遠

settle down之後 ~ 出發玩水啦

今次都係第一次著bikini去沙灘玩, 可能由於星期五緣故, 沙灘比平日少人~ 幾乎我地玩哂

玩左2個鐘左右~ 仲影左好多水著......當然出來效果同model差好遠啦 (都係唔好獻醜, 笑死人)

玩完水返去煮飯仔~ 今晚好豐富...意粉, 美國rib eye steak, 羅宋湯~ 好好味

煮飯都幾辛苦架~不過煮完見到美食~ 又真係好開心既~

 

超開心~成功訂到古巨基演唱會2007 !!

我既my "飛fa"~古巨基終於又開concert 啦~ 自從上年睇完之後~話好快又開, 等到頸長都係只聞樓梯響

好開心~9月呀 !!!

尋日用BOC credit card 優先預訂~GERMAN好叻打得通(我狂打都打唔到)~優先訂左4張$400.....好期待呀 !!

我地extra訂多左2張$400~ 因為唔知邊日得閒, 到時邊日得咪邊日囉~

本想打算讓張飛俾好朋友蔡蔡, 不過佢哥哥同佢女朋友同時訂左, 變左又有extra

不過轉過頭我2張extra已經好快有朋友應左頭啦 !!!

唔知個位前唔前呢  ~上年我可以同基仔握手~巧開心喲

慶功宴@Sushi Shotai ~ おいしい食べ物です

Wealth Management Conference 終於6/22 好成功~真係辛苦哂 !!!

咁成功~feedback 又好~老闆自然開心~仲提議去Sushi Shotai 慶功~我未食過呀

不過有d同事話5年前佢地都係去lee 到慶功~一行9 人$7000+埋單, 只此老闆就唔再同佢地去

事隔咁多年~wow~又有得去~佢地話好好食架wor

今次一試難忙~真係好正~同日本築地有得揮 (當然築地更加新鮮啦)

Wasabi魚蛋~真係好勁 !! 仲俾d wasabi嗆親, 不過好好食wor

日本海膽~平時不太好海膽的我都讚好 !! 整間shop既日本海膽俾我地order哂

本來有同時想order 海膽手卷都無貨lu

池魚sashimi~正正正 !!!

係咪好吸引?! Sushi Shotai 真係好好味~不過太貴啦, 平常人都食唔起

不過真係好新鮮~我仲第一次食神戶牛~真係幾好wor ~我地7個女仔, 盛惠$9000+

係咪好驚~ 食都好飽飽~短期都唔食sushi啦 ~ 真係今餐食既份量可以等於食一個月sushi既份量

好彩今餐老細請~唔駛俾$$

狂煲巴黎戀人

不怎麼看連續劇的我，居然也會迷上如童話般的灰姑娘愛情故事~~~~

早幾個星期六偶爾係亞洲電視看到重播<巴黎戀人＞, 之前我都聽聞這套是必睇的韓劇

看了第一集，已經愛上，再看多幾集～簡直給男女主角既魅力攝著～　因為我太心急想睇埋，所以我上星期六買了一整套，我一口氣用了２天就看完整套！！！

我實在太喜歡巴黎戀人，怪不得２００４年韓國首播時收電視高企，比大長今還高

故事雖然有ｄ老套，不過巴黎實景拍攝～型男靚女～加上超正配樂～

巴黎實景拍攝仲令我好懷念曾到此一地～

看完後我立即想買隻電視原聲ｃｄ呢　！！　而且女主角金晶銀真係好靚，男主角朴新陽好型笑容非常燦爛, 感覺真係一個好好先生．．．．

看完我即刻ｓｅａｒｃｈ下男女主角係咩來頭，原來男女主角係韓國好出名～金晶銀係天后級明星，朴新陽真人都係好好先生　！！！

邊看時～哈哈～都會看得太投入～幻想下自己係個女主角～哈，　我真係好ｌｏｗ　ｂ

故事內容：

前幾集的劇情圍繞在浪漫的巴黎風情之中，如童話般，女主角將硬幣投下許願池之後實現心願。不久之後，男女主角又在許願池旁訂下了契約，然而對彼此的情愫也同時在心裡漫延。之後雖然在爭執中分離，卻又不約而同搭上同一班飛機，回到了彼此的家鄉首爾。在一連串的巧合，兩人的命運又緊緊連結在一起，同時也因為男方家族中的一個秘密，讓倆人的愛情故事演變出許多意外.....最後還是因真心愛這對方而分離的兩人，回到巴黎當初邂逅的許願池，而再度相遇。